کۆمەڵەی جیۆلۆجی کوردستان دامەزراوەیەکی پیشەیی و زانستییە کە دوای یەکەم کۆنگرەی گشتیی جیۆلۆجیناسان لە ٢٧–٢٨ی شوباتی ١٩٩٢ لە هەولێر دامەزرا. کۆمەڵەکە بۆ پێشخستنی زانستی جیۆلۆجی، پشتگیری پسپۆڕان و بەهێزکردنی هاوکاریی زانستی لە کوردستان کار دەکات.
ئەمڕۆ بەڕێز دکتۆر ئازاد سەرۆکی بەشی زانستەکانی زەوی و نەوتی زانکۆی سلێمانی بە هاوڕێیەتی دکتۆر دیڤان و ئەندامی دەستەی باڵای کۆمەڵە و مامۆستای بەشی ناوبراو سەردانی کۆمەڵەیان کرد، بە مەبەستی سوپاسی سەرۆکی کۆمەڵە و سەرۆکی لقی سلێمانی کۆمەڵە لە پای هاوکاریان بۆ خوێندکارانی قۆناغی چواری بەشەکەیان لەکاتی خولی کێڵگەیی. وە هەردوولا بڕیاریان دا بەردەوام بن لە هاوکاری و ئەنجام دانی کاری پێکەوەیی.
زیاتر بخوێنەوە →
ئەمڕۆ، سەرۆک، جێگر و ئەندامانی لیژنەی ئامادەکاری کۆنفرانسی جیۆکوردستانى حەوت، لە بەشی زانستەکانی زەوی و نەوتی زانکۆی سلێمانی، دوا کۆبوونەوەی خۆیان بەڕێوەبرد. لە کۆبوونەوەکەدا، تەواوی ئامادەکارییەکانی کۆنفرانس، بە تایبەتی کاروباری لۆجستی، میوانداری و ڕێکخستنی بەرنامەکان، هەڵسەنگێندران و دوا ڕێنماییەکان بۆ بەڕێوەچوونی سەرکەوتووانەی کۆنفرانس خرانەڕوو. لیژنەکە جەختی کردەوە کە ئامادەکارییە سەرەکییەکان تەواو بوون و هەموو لایەنە پەیوەندیدارەکان بۆ پێشوازی لە بەشداربووان و میوانان ئامادەن. کۆنفرانسی جیۆکوردستان حەوتەم بۆ پێشکەشکردن و گفتوگۆکردنی توێژینەوە و بابەتە نوێیەکانی بواری زانستەکانی زەوی و نەوت و ژینگە بەڕێوەدەچێت و ژمارەیەک توێژەر، پسپۆڕ و ئەکادیمی ناوخۆ و بیانى بەشداری تێدا دەکەن.
زیاتر بخوێنەوە →
